بون شاسع بين هذا وذاك ، أو هذه وتِلِك ، لا شيء يجمع بينهما سوى كلمة (محبة) التي فرضت نفسها قَسراً وأصبح التعامل معها تعاملاً مشوباً بالحَذَر، كيف لا! والفوارق كثيرة والمعاني لا تتحمل وجودهما على أرض الواقع في حَيِّز واحد
مَحبَة التي وردت أولآ في عنوان هذا العمود، نجدها متواجدة في مجالات تسويق الدَّجل والشَّعوذة كما يسميها البعض من أهل النظام العام، أولئك الذين يحاربون الظاهرة التي إنتشرت على نظاق واسع وأصبح لها قانون (أي الشعوذة)، يمنعها ويقود المتعامل بها والراعي لها والمُروِّج لنجاحها وسط البسطاء الذين يعتقدون فيها شفاء لا يماثله شفاء وهناك نماذج، عليكم بالصر حتى تجدونها ضمن هذا العمود بعونه تعالى وعلا ،
حدثني أحد الأصدقاء قائلاً لي : شوف يا حبيب، لو عندك أو عند أي واحد مِعرفة لو فيكم واحد لديه مشكلة عاطفية و(حبيبته مزرقنة معاه) ، طوالي إنت ذااتك يا الزول البقول عنده مسائل عاطفية وما قادر يحدد هل هي (عَصلَّجة) ولا نظام دَلَع ودَلال ، المهم ما لاقي حل ، دا تسرع تجيبو لي عشان الأمور تبقى ظااابطة،،، ضحكت كثيرآ وسألته: حا تعمل شنو يعني فردَّ قائلآ : حا أودِّهيه لي الفكي أبو طيارة عشان يطَيِّر ليهو البت من حركاتها وتجي تقول ليه : إنت عارف أنا بحبك وبحلف بك ، وخلاص يدخل فيها شمال بعبارات (زي ألوان) ويتوكلوا علي صالة الأفراح ، طيب أبو طيارة دا بعمل شنو عشان النتيجة تكون ممنازة!!؟ بسيطة جدآ ، يجيب شَعَرة شَعَرتين أو مُمكن خُصلة لو كان عندها شَعر طوييب ، وعلى طول يربط الشَّعَرات أو الخُصَل في الطيارة ويقول ليها : طِيري يا طيارة، معقولة لكن!! دي طيارة وين دي ؟ هسه إنتو مش عندكم كاميرا طيارة؟ زولنا دا برضو عندو كاميرا بتطير لكن بس في بين الإتنين فَرٍق بسيط ، كيف يعني !! طيارتكم تطير عشان تصور من أعلى رغم إنو الحكاية ممنوعة وطيارة الفكي دا بتطير بنظامين، مرة تعلو ومرة تهبط وتشتغل كدا لغاية (المُزَّة) تدخل في نوبات هلوسة وتقعد تنادي الحبيب المنتظر عوداً حبيبااً مُستطاب
إنت باين عليك ما مصدق كلامي عشان كدا أحسن تورينا كنوز المحبة دي وين! ما دام ما مقتنع بي عِرق المحبة ، لكن خليني أقول ليك: والله عرق المحبة لو مضغتو قريب من (الحُبُكانة بتاعتك، أكيد حا تَكتَمل الرّصَّة ، والعروق دي موجودة وتُباع في الأسواق على الهواء مباشرة والله يديم المحبة، يلاَّ هاكم دي
إنتَّ ما برضَّك حبيبنا والحَّنان الفي قلوبنا والمحبة الفيها لو ماإنتَّ ما كانت محبة وكل أشواقنا ومشاعرنا وأحساسيسنا الجميلة إنت ما أهديتها لينا كيف نضيِّع أحلى ما أهديت يا غال
رحم الله أهل بلادي من المبدعين الذين عطروا مساحات الوطن الجميل عليكم بكنوز المحبة وحذاري من عروق المحبة
0121080508
0911013333
abouellaf@hotmail.com
بون شاسع بين هذا وذاك ، أو هذه وتِلِك ، لا شيء يجمع بينهما سوى كلمة (محبة) التي فرضت نفسها قَسراً وأصبح التعامل معها تعاملاً مشوباً بالحَذَر، كيف لا! والفوارق كثيرة والمعاني لا تتحمل وجودهما على أرض الواقع في حَيِّز واحد
مَحبَة التي وردت أولآ في عنوان هذا العمود، نجدها متواجدة في مجالات تسويق الدَّجل والشَّعوذة كما يسميها البعض من أهل النظام العام، أولئك الذين يحاربون الظاهرة التي إنتشرت على نظاق واسع وأصبح لها قانون (أي الشعوذة)، يمنعها ويقود المتعامل بها والراعي لها والمُروِّج لنجاحها وسط البسطاء الذين يعتقدون فيها شفاء لا يماثله شفاء وهناك نماذج، عليكم بالصر حتى تجدونها ضمن هذا العمود بعونه تعالى وعلا ،
حدثني أحد الأصدقاء قائلاً لي : شوف يا حبيب، لو عندك أو عند أي واحد مِعرفة لو فيكم واحد لديه مشكلة عاطفية و(حبيبته مزرقنة معاه) ، طوالي إنت ذااتك يا الزول البقول عنده مسائل عاطفية وما قادر يحدد هل هي (عَصلَّجة) ولا نظام دَلَع ودَلال ، المهم ما لاقي حل ، دا تسرع تجيبو لي عشان الأمور تبقى ظااابطة،،، ضحكت كثيرآ وسألته: حا تعمل شنو يعني فردَّ قائلآ : حا أودِّهيه لي الفكي أبو طيارة عشان يطَيِّر ليهو البت من حركاتها وتجي تقول ليه : إنت عارف أنا بحبك وبحلف بك ، وخلاص يدخل فيها شمال بعبارات (زي ألوان) ويتوكلوا علي صالة الأفراح ، طيب أبو طيارة دا بعمل شنو عشان النتيجة تكون ممنازة!!؟ بسيطة جدآ ، يجيب شَعَرة شَعَرتين أو مُمكن خُصلة لو كان عندها شَعر طوييب ، وعلى طول يربط الشَّعَرات أو الخُصَل في الطيارة ويقول ليها : طِيري يا طيارة، معقولة لكن!! دي طيارة وين دي ؟ هسه إنتو مش عندكم كاميرا طيارة؟ زولنا دا برضو عندو كاميرا بتطير لكن بس في بين الإتنين فَرٍق بسيط ، كيف يعني !! طيارتكم تطير عشان تصور من أعلى رغم إنو الحكاية ممنوعة وطيارة الفكي دا بتطير بنظامين، مرة تعلو ومرة تهبط وتشتغل كدا لغاية (المُزَّة) تدخل في نوبات هلوسة وتقعد تنادي الحبيب المنتظر عوداً حبيبااً مُستطاب
إنت باين عليك ما مصدق كلامي عشان كدا أحسن تورينا كنوز المحبة دي وين! ما دام ما مقتنع بي عِرق المحبة ، لكن خليني أقول ليك: والله عرق المحبة لو مضغتو قريب من (الحُبُكانة بتاعتك، أكيد حا تَكتَمل الرّصَّة ، والعروق دي موجودة وتُباع في الأسواق على الهواء مباشرة والله يديم المحبة، يلاَّ هاكم دي
إنتَّ ما برضَّك حبيبنا والحَّنان الفي قلوبنا والمحبة الفيها لو ماإنتَّ ما كانت محبة وكل أشواقنا ومشاعرنا وأحساسيسنا الجميلة إنت ما أهديتها لينا كيف نضيِّع أحلى ما أهديت يا غال
رحم الله أهل بلادي من المبدعين الذين عطروا مساحات الوطن الجميل عليكم بكنوز المحبة وحذاري من عروق المحبة
0121080508
0911013333
abouellaf@hotmail.com
