 |
معز عمر بخيت |
الكلمة للشارع
والصوت جهور مسموع
طول الوطن فارع
والعز عليك مطبوع
فرق الحساب شاسع
طلّع دفاتر الجوع
واحسب جراحك كم
في الخاطر الموجوع
ممنوع تشيل الهم
تاني الوجع ممنوع
سترة ثباتك دم
تاجك عليك مرفوع
كم راح شهيد وشهيد
فاضت بحورنا دموع
روت الأرض ايمان
والخاطر المفجوع
في الروح وفي الوجدان
في الجنة سيل و خشوع
درب الأمل سودان
ما فيش خداع وخضوع
ما فيش ضياعنا الكان
الذل ولحس الكوع
ومصايب الكيزان
الليلة عاشوا خنوع
والليلة عرفوا الحق
وانو الصباح مزروع
في روح شباب ثايرين
مالين تلال وربوع
رافعين يسار ويمين
وسط التحدي شموع
شايلين بلدنا شعار
قلب المحنة جموع
أنهار من الإيثار
ومحبة رامية فروع
عاش الوطن جبار
فيه الحساب مجموع
على ضفة الإصرار
سجّل حضورنا شيوع
وارسم نضالنا ثبات
في باب طلوعو رجوع
واكتب على الضلفات
راجعين ومافي طلوع.
راجعين ومافي طلوع.
