ايقونه الوطن:الإعلامية دعاء حيدر لأيقونة الوطن: الصداقة أن تكون بلا قيود, بلا طلبات, بلا أوامر

رصد واعداد: أحمد الصاوي

مجموعة من مجمل عوامل أفرزت مصدراً رائعاً للإبداع والإمتاع حول العديد من أوجه التعبير لدى الاعلامية "دعاء حيدر" المذيعة بقناة أم درمان الفضائية.. وبحكم عملها في مجال الاعلام المرئي فقد مزجت بين النثر والخواطر والايقاعات الحديثة, وعلى الرغم من قلة انتشار الإبداع النسوي في السودان إلا أن صوت المرأة انتشر نتيجة أن أصواته وأنغامه وسبل أدائه لا تزال رائعة كذلك ساعدت الوسائط تسجيله لأغراض ترفيهية أو تجارية الى جانب البث الاذاعي في الانتشار ترويجاً وامتاعاً, لقطاعات سودانية واسعة.. هذا بعض ما استعرضنا من تجربة المذيعة دعاء حيدر..

× عن الشوق تقول دعاء حيدر:

-الشوق, بقدر ماهو احساس جميل يألمك, لأنك لما تحس بالشوق معناتو فقدت حاجات كتيرة, زي شوقك لي لحظة حلوة أو موقف جميل لانسان معين أو لعلاقة انتهت بتحس زي الفي حاجة ناقصة ليك, زي الشالو حتة من جواك ببقى قلبك بيوجعك بتتذكر كل اللحظات دي وفي النهاية يا ضحكت عشان كانت أيام حلوة شديد, يا بكيت لأنك زعلان انك فقدت زول زي دا, المشكلة ما هنا المشكلة الجد انك وين تلقى زولك دا عشان تطفي نار الشوق الجواك؟

× صديق لكل الأوقات والأماكن؟

- كل صديق ليس كأي صديق, صديق بلا شرور, بلا قيود, بلا طلبات, بلا أوامر, صديق لكل الأوقات والأماكن, صديق لوحشة الليل, والاتصالات العجلى, صديق للرد على الأسئلة المغلقة, للأرق والشكوى للمرض والعدوى, صديق للفرح والحزن..